Paliuliticu

Hè cunfirmatu ch’in sti tempi landani, si pudia viaghjà da Corsica à Sardegna à pedi secchi è chì andà in Tuscana, passendu par l’isuli, dumandava pocu navigazioni ! Si pò tandu chì a Corsica fussi accupata à u Paliuliticu ma ind’è noi, ùn s’hè trovu siti sin’ad avà.

Si sà chì dipoi quidda epica, u mari hè alzatu di guasgi 120 metri fendu chì certi lochi (aggrotti, fondi di capani...) si trovani forsi oghji sott'à u mari. Par avali, l’archiolughi ùn ni ani trovu vistighi.

À l'omu di u Paliuliticu, li piacia à viva vicinu à stu mari chì li purtava assai da magnà. Stu modu di campà s'hà da parpituà à l'epica chì veni dopu, u misuliticu.

DA TENA À MENTI

U paliuliticu ùn hè raprisintatu in Corsica chì ùn si n’hè trovu vistighi par avali. Un studiu di a grotta di A Cioscia, ind’u Capicorsu, cerca di dà a prova d’un’accupazioni di stu locu à u Paliuliticu è ancu da l'omi di «Néanderthal».
L’epica chì veni dopu, u Misuliticu, ripruduci guasgi à listessa manera di campà.