In Corsica, uni pochi di siti anziani assai, d'un tempu di transizioni chjamatu Misuliticu (chì vò dì « trà i dui »), sò stati scavati : Araguina, Stretta, Campu Stefanu, Petra Curbara, Currachjaghju, Monte Leone, Lungone... Campu Stefanu è Araguina (a donna di Bunifaziu) ci ani rigalatu i più vechji schenatri di Corsica.

L'omu campa tandu numadu, abitendu in l'aggrotti o in capanni tondi di i più semplici. U so vittu, u stanta pischendu, caccighjendu è cugliendu. Ceramica, ùn ci n'hè ancu.

St'epica hè soprattuttu carattirizata da una industrialitica nova : si travaglia nant'à scagli minuti à l'incuntrariu di l'epica paliulitica induva l'omu travaglia a grussulana.

For di stu fattu, l'omu campa di a listessa manera cà nanzu, appruntendu si à pocu à pocu à ciò chì farà a rivuluzioni di u Niuliticu : l'addevu prima po l'agricultura.