Signori è casteddi - I primi signori sicondu a cronaca di Ghjuvanni da la grossa -
L'urighjini di u ceppu Cinarchesu - Ghjinialugia pussibuli di i primi signori

Signori è casteddi 

Toccu l’XImu seculu, i pupulazioni ùn sò più prutetti da u puteri carulingiu è si piazza dunqua sottu à a prutizzioni di i famigli putenti. Quisti si facini casteddi (di legnu po di petra) da risista à i banditi o a l’invasori, custrutti nant’à poghji alti alti. Stu finominu chì tocca l’Auropa sana hè chjamatu « incastiddamentu ».  Hè u principiu di a fiudalità. I signori pigliani pianu pianu u puteri (impositi, ghjustizia, armata) nant’à un rughjoni po quiddu vicinu, stindendu cusì u so tarritoriu à colpu di battagli è di patti.

In Corsica, i casteddi erani numarosi. Certi erani in Cismonti è tinuti da i signori di u locu com’è l’Amondaschi o i Cortinchi (Corsi), l’Avogari è i da Mare (d’urighjini ghjinuvesa). In Pumonti, erani tinuti da i putenti signori Cinarchesi, spartuti in parechji branchi chì piglioni u nomi di u so casteddu : da Leca, da Bozzi, da Cozzi, da Cinarca, da la Rocca, da Litalà, da la Catena, d’Istria

U casteddu simbolicu di tutta a Corsica era quiddu di Cinarca. U so pussessu era un’ubligazioni da essa pruclamatu Conti di Corsica. Dui altri cundizioni erani dumandati : essa di ceppu cinarchesu po essa pruclamatu à una viduta (assimblea pupulari) da tutti i capi di i paesi. U pianu di u casteddu ùn hà nudda à chì veda cù i casteddi chì si poni veda par sti Franci ! T’hà una torra o dui, una ciustarra, uni pochi di sali è calchivvolta una cappedda. Teni nant’à a cima d’una cuddetta o d’una muntagna, i muradori ghjuvendu si di i pintoni in piazza da fà è tena i muraglioni.

DA TENA À MENTI

Toccu l'XImu seculu č sin'ā u XVImu, i signori ani alzatu casteddi da metta si ā riparu, difenda u so tarritoriu č fā cumpariscia a so putenza. U Medievu ferma un'epica di cuntrasti trā putenzi sfrarenti chė circoni d'appughjā si nant'ā signori sfarenti da pigliā a suprana. I Cinarchesi si ghjuvavani di sti cuntrasti da pigliā u puteri č cumandā a Corsica.