A Corsica è i culunii - L'isiliu
A Corsica è i culunii
A cunquista di tarritorii novi hè un fattu solitu ind’a storia. Stu finominu piglia impurtenza di più quandu a rivuluzioni industriali dà à l’Auropa a suprana acunomica è tecnica, à u XIXmu seculu. Ogni paesi di u vechju cuntinenti si lampa ind’una mostra di a so putenza è ind’a culunizazioni, fendu crescia u so pristighju. In sta spartera nova di u mondu, a Francia hè cuncurrenti diretta di l’Inghilterra in sta corsa à u cuntrollu di tarritorii parechji.
Toccu u 1830, i Corsi sò beddi prisenti ind’a cunquista di l’Algeria. Sò tanti è più dinò ind’a mossa chì porta l’armata francesa in Africa o in Induscina :
- L’attichju par l’armata culuniali hè sempri in crescita postu ch’edda conta, ind’u 1930, 22% di Corsi ind’i so ranghi.
- L’attraiu di i culunii si cunferma ancu ind’una siconda fasa, quidda di l’amministrazioni culuniali : 20% di i guvirnadori sò Corsi ! Versu u 1950, 150 000 omi in Africa di u Nordu sò di ceppu corsu !
Sò tandu numarosi assai l’amicali chjamati Cyrnos, Kallisté… publichendu nutizii di a vita di sti cumunità à u stragneru : Echo de la Corse et de l’Algérie, Phare de la Corse (à Tunis), Saïgon Cyrnos…
U studiu di a culunizazioni, guardatu oghji di manera guasgi ughjittiva, ùn si pianta più à u solu discorsu di u culunizadori o a quiddu di i so uppunenti. Parmetti cusì un cunfrontu di i visioni sfarenti è si ni pò scopra l’aspetti parechji.
DA TENA À MENTI
