L’Antichità tardiva : a fini di l’Imperu rumanu

Parechji scali di i Goti in Corsica sò insignati da scritti antichi versu l’annu 412, ma pochi rinsignamenti venini par spiicà l’epica, quandu sti barbari facini spidizioni contru à Roma à a fini di u Vtu seculu.

A vinuta di i Vandali hè cunnisciuta di più. Dopu à u 392 è a morti di Valintinianu, i Vandali pigliani pusessu di l’isula. Si sà chì trà u 477 è u 484, l’ariani ci isiliani una mansa di veschi africani catolichi cundannati à taglià u legnu da fà ni vasceddi.

A carta di Ptulemeu, à u IIu seculu, conta 31 cità (17 nantu à a costa è 14 à l’internu) è parla di 12 populi chì campani ind’i borghi, vali à dì senza drittu di stabbiliscia si ind’i cità.

Dopu una nova sbarcata di i Goti, vinarani à stabbilì si i Bizantini chì urganizarani l’amministrazioni isulana, purtendu u paesi versu u Medievu.

L’isula diventa prupiità di a ghjesgia. I cità impurtenti sò Marinianis (Mariana), Colonia Iulii (Aleria), Turrinum (Nebbiu supranu ?), Coenicum (Cinarca, Sagona  ?) è Agiation (vechju Aghjacciu). Si pò veda quì a nascita di 5 viscuvati, di cinqui lochi di primura pà l’acunumia, l’amministrazioni, a pulitica è a rilighjoni. Da quì si sparghjarà u cristianisimu, partendu da a costa versu i sarri.

I scritti di u Papa Grigoriu u Maiò (590 – 604), chì trattani di l’urganizazioni di a Ghjesgia in Corsica, c’insegnani  chì nant’à i cinqui viscuvati (Mariana, Aleria, Sagona, Opinon è Figari), dui ùn sò pruvisti di vescu. Si leghji dinò ch’eddi sò pochi fattivi i preti è chì u paganisimu hè beddu prisenti.

I soli tistimunienzi di i cridenzi pagani sò scritti da stu Papa Grigoriu chì chjama in Corsica à a cristianizazioni di quiddi chi si sò vultati versu u cultu di l’iduli « par lasciacorra o nicissità », dumanda d’ùn micca anurà l’iduli di legnu o di petra, è ancu una crescita di i battesimi cù una cunvirsioni di a ghjenti « ancu cù a paura ».

L'isula lasciata da Bisanza passa sott'ą a duminazioni lunghibarda.

DA TENA À MENTI

Dopu ą a trafalata di l'Imperu rumanu ghjugnini in Corsica i barbari. Dopu ą sti pagani, i Bizantini (cristiani) cuminciarani ad urganizą u paesi po a tarra hč data ą u Papa. Nascini cusģ i 5 viscuvati (Nebbiu, Mariana, Sagona, Aleria, Aiacciu) č da sti centri si sparghjarą u Cristianisimu in l'isula sana.