I casi forti o casi torri

Fuzzà : simbuli di a famosa vindetta di Culomba, rumanzata da Prosper Mérimée, i dui casi forti (quidda di i Carabelli è quidda di i Durazzo).

Versu a fini di u XVmu seculu, s’alzani i casi forti, cù una funzioni difinsiva sicura ma dinò da cumparisci è affirmà u so ceppu. Sò tistimonii di i parechji abbotti chì si farani di più à in più numarosi à u seculu à vena. Sò carattirizati da un pianu quatratu o rittangulari, una porta maestra, à u prima pianu, prutetta da un piumbatoghju. I muri sò beddi spessi cun archeri è a casa hè pruvista d’un contrafforti. Quandu l’epica si faci menu viulenta, i scali di legnu chì si pudiani caccià in tempu d’abbottu (da impidiscia l’intrata à u prima pianu) sò impiacati da scaloni.

 

DA TENA À MENTI

A pupulazioni di a Corsica hè anzi tuttu rurali. A custruzzioni di casi furtificati ci indetta ch'edda era un'epica tribbulata a fini di u Medievu.