Toccu i freti di Nuvembre, a Cicala sturdita, si truvò senza focu, arrighita è famita ... Pinsò chi la furmicula, carca di pruviste, si faria un piacè di falli qualcosa arriste.

-    0 Cummà. . . Vurria fà a pulenda, ùn aghju più farina ...
Pristatemine un pocu, ma... ch 'ella sia bella fina.
.    Questa hè bella a passata ... ùn ai più farina ?
Quand'e cogliu a castagna, tù, balli a manfarina ? ...
.    Si t'ùn ai farina, dammi un ficatellu ...
Si t'ùn lu voli dà sanu, dammine un pizzatellu ...
.    Si t'ai la fame, tirati dui salti.
Eiu travagliu par mè ùn travagliu par l'altri
Datti qualcosa eiu ? Ùn ci hè paura !
Si t'ùn franchi la porta, pigliu la spazzura ...
Si n 'andò la Cicala senza aspittà lu restu,
Era ghjunta in furia, scappò ancu più prestu ...

MURALITA

A chi ùn ne hà, ùn ne magna ...
Si tù voli a pulenda, vai à coglie a castagna ...