Dopu avè scrittu tutti st'impicci è st'imbrogli:  pizzichi, ranfiche è stalvatoghji torti, semu partiti, trà eiu è u me sumere, à circà un amicu chi vulissi dichjarà : « Maistrale hà fattu un capu d'opara ».
È cerca è chi mi ti cerca ! (. .. )
Scuntraiu : un Litiese chì mi vulia caccià. un ochju parch 'e avia fattu batte i so santi; un giandarme in ritirata chì trattò u me capu d'opara « d'alandon »; un ghjudice chì mi vulia mandà in galera ... !
Videndu tuttu issu piriculu, mi ne falaiu in Aiacciu à sente u stampadore :
- Cumu si chjamarà issu libru ?
- Miseria è Puvertà sò duie surelle !
- Quessu ùn lu truvarete à vende mancu par arba tabacca.
Cari amichi, parenti stretti è littori u me libru hè un capu d'opara, ma nimu, nè par agliu nè par pomi, l'hà vulsuta palisà.
A!lora si vindarà : libra libra par farina castagnina.
È postu chi a furtuna hè in campagna, aspittate ch'e vi canti una canzona.